Л.Дончич багийнхаа дээд амжилтыг 14 жилийн дараа шинэчлэв

               "Даллас Маверикс" багийн хамгаалагч Лука Дончич "Портленд Трэйл Блэйзерс"-тэй хийсэн тоглолтод 44 оноо авчээ. Ингэснээр тэрээр сүүлийн гурван тоглолтод нийт 118 оноо авч, багийн дээд амжилтаа шинэчиллээ. 201 см, 104 кг үлэмж биет 21 настай словен залуу өмнөх хоёр тоглолтод 28 болон 46 оноо авсан юм. Өмнөх дээд амжилтыг тус багийн герман легионер Дирк Новицки 2007 онд гурван тоглолтод 110 оноо авч тогтоож байв. Харамсалтай нь "Даллас"-чууд "Портленд Трэйл Блэйзерс"-т 118:121-ээр хожигджээ.