Мароккочууд аваргаа хамгаалав

 Камерунд болсон хөлбөмбөгийн Африкын улсуудын аварга шалгаруулах тэмцээний шигшээ тоглолтод Мароккогийн баг Малиг 2:0-ээр хожиж, түрүүллээ. Тоглолтын 69 дэх минутад Суфиан Буфтини эхний гоолыг оруулсан бол арван минутын дараа Аюб эл-Кааби эцсийн цэгийг тавьжээ. Ингэснээр 2018 онд  Кенид болсон тэмцээний аваргын төлөө Нигериг 4:0-ээр "бут ниргэсэн" мароккочууд аваргаа хамгаалсан байна. Хүрэл медалийн төлөөх тоглолтод Гвиней талбайн эздийг 2:0-ээр хожив. Дараагийн тэмцээн 2023 оны намар Гвинейд болно.