А.Головин хет-трик хийж, есөн жилийн өмнөх амжилтыг давтав

                       Францын хөлбөмбөгийн аварга шалгаруулах тэмцээний 24-р тойрогт "Монако", "Ним"-ийг 4:3-аар хожлоо. Энэ тоглолтын гол баатраар тодорсон "Монако"-гийн орос хагас хамгаалагч Александр Головин 3, 12, 62 дахь минутад гоол оруулсан төдийгүй 77 дахь минутад К.Фолландад гоолын дамжуулалт өгчээ. Европын топ таван лигт тоглож буй орос хөлбөмбөгчдөөс хамгийн сүүлд Павел Погребняк 2012 оны гуравдугаар сарын 4-нд Английн премьер лигт "Фулхэм" "Вулверхэмптон"-г 5:0-ээр хожиход хет-трик оруулсан аж. Харин "монако"-чуудаас хамгийн сүүлд Радамель Фалькао 2017 онд нэг тоглолтод гурван гоолоор өрсөлдөгчийнхөө хаалгыг "мялаасан" юм.