Л.Мессигийн 650 дахь гоол

Испанийн аварга шалгаруулах тэмцээний 21-р тойрогт алдарт "Барселон" "Атлетико"-г 2:1-ээр хожжээ. Тоглолтод орсон гурван гоолын бүгдийнх нь эзэд "барса"-чууд болсон нь сонирхолтой. Хорь дахь минутад Л.Месси тоглолтын салхийг хагалсан бол Ж.Альба 48 дахь минутад өөрийнхөө хаалганд гоол оруулж, оноо тэнцэж, 74 дэх минутад франц довтлогч А.Гризманн эцсийн цэгийг тавив. Лионель Месси "Барса"-гийн бүрэлдэхүүнд 650 дахь гоолоо оруулсан нь энэ бөгөөд "62 чөлөөт цохилтынхоо анхныхыг нь амжилттай болголоо" хэмээн "Opta" мэдээллээ. Ла лигийг 50 оноотой "Атлетико" тэргүүлж, 40 оноотой "Барселон", "Реал" хоёр удаалж байна.