Билл Гейтс: Дэлхий дахин одоогийнхоос 10 дахин аюултай цар тахалд бэлдэх хэрэгтэй

Майкрософт корпорацийн үүсгэн байгуулагч Билл Гейтс Sueddeutsche Zeitung сонинд өгсөн ярилцлагадаа дэлхий дахин одоогийнхоос 10 дахин аюултай цар тахалд бэлэн байх ёстой гэж хэлжээ. 

Түүний  ярьснаар одоогийн цар тахал газар хөдлөлт, торнадо болон уур амьсгалын өөрчлөлт шиг үзэгдэл. "Бид гэрийн даалгавраа хийх ёстой. Бид дараагийн цар тахалд бэлэн биш байна. Тэр нь одоогийнхоос 10 дахин аюултай байх магадлалтай" хэмээн ярьсан байна. 

Ярилцлагынхаа үеэр тэрбээр шинжлэх ухааны хөгжлийг, тэр дундаа вакцины салбарт гарч байгаа дэвшлийг биширч буйгаа мөн илэрхийлсэн байна.

"Хэрвээ цар тахал таван жилийн өмнө гарсан бол дэлхий дахин ийм богино хугацаанд вакцин гарган авч чадахгүй байсан" хэмээн тэрбумтан хэлжээ. 

Эх сурвалж: Entrepreneur.com

gogo.mn