2026 оны хөлбөмбөгийн дэлхийн аварга шалгаруулах тэмцээн гурван улсад болно

   ОУХБХ(FIFA)-ны албан ёсны сайт 2026 оны дэлхийн аварга шалгаруулах тэмцээний тоглолтууд болох хотуудыг тодруулахтай холбоотой мэдээллийг нийтэлжээ. АНУ, Канад, Мексикэд болох уг тэмцээний тоглолтуудыг зохион байгуулахад нэр дэвшигч хотуудын цэнгэлдэх хүрээлэн болгоны төлөөлөгчидтэй 2021 оны хоёрдугаар сараас онлайнаар холбогдон уулзаж, дэд бүтэц болон бусад асуудлыг хэлэлцэнэ.          Дөрөвдүгээр сард хот тус бүрийн төлөөлөгчтэй онлайнаар уулзана. Хэрэв коронавирусийн нөхцөл байдал FIFA-д долдугаар сараас хотуудад очих боломж олговол тоглолт явуулах хотуудын нэр сүүлчийн улиралд тодорхой болох аж. 2026 оны дэлхийн аварга шалгаруулах тэмцээнд 48 баг өрсөлдөх юм.