Тамавашигаас бусад нь тавиас дээш хувийн амжилт үзүүллээ

  Өчигдөр Хацү башёгийн 14 дэх өдөр Кирибаяма Б.Лхагвасүрэн маэгашира Мидорифүжиг барьцгүй түлхэж ялснаар найм дахь даваагаа авав. Хоошёорюү С.Бямбасүрэн маэгашира Тобизаруг окуридашигаар, сэкивакэ Тэрүнофүжи Г.Ган-Эрдэнэ озэки Шёодайг хатакикомигоор давсан бол Ичиножо А.Ичинноров маэгашира Такарафүжиг, Тамаваши Б.Мөнх-Оргил маэгашира Дайэйшёог дийлсэнгүй. Тэрүнофүжи арван даваа, дөрвөн унаатай, Хоошёорюү, Ичиножо нар есөн даваа, таван унаатай, Тамаваши таван даваа, есөн унаатай болсон байна. Ийнхүү дээд зиндаанд хүч үзсэн таван бөхийн маань дөрөв нь тавиас дээш хувийн амжилт үзүүлээд буй аж.                                                          Өнөөдөр тэмцээний сүүлчийн өдөр Хоошёорюү Ооношёотой, Ичиножо Хокутофүжитэй, Кирибаяма комүсүби Митакэумитэй, Тамаваши Котоэкотой, Тэрүнофүжи Мэйсэйтэй барилдана.