Г.Алтанбагана долоод, манайхан 13-рт оров \

        Oлон улсын жүдо бөхийн холбооны шинэ оны анхны тэмцээн World Masters Катарын нийслэл Дохад өндөрлөлөө. Тэмцээний сүүлийн өдөр манай хоёр бөх дэвжээнд гарснаас ОУХМ, дэлхийн аваргын хүрэл медальт Ө.Дүүрэнбаяр +100 кг-д зодоглож, эхний тойрогт Риогийн олимпын хүрэл медальт, Израилийн О.Сассонд хоёр минут 19 секундэд цэвэр ялагдан, тэмцээнээ дуусгажээ. Харин 90 кг-д ОУХМ Г.Алтанбагана Бразилын Р.Маседо, Италийн Н.Мунгай нарыг вазаригаар ялсан ч дэлхийн аварга, Голландын Н.Ван Т Эндэд вазаригаар, дагах барилдаанд Гүржийн Л.Бекаурид нэг минутад цэвэр ялагдсанаар шагналт долдугаар байрт орсон аж.