БНХАУ-ын Хармөрөн мужийн Харбин хотод уламжлал болсон Олон улсын цас, мөсөн урлалын баяр нээлтээ хийлээ. Энд цас мөсөөр урласан ордон, цамхгууд өнгө өнгийн гэрэлтэй алаглан сүндэрлэжээ. Зочид мөсний хоккей, хөлбөмбөг зэргийг тоглож наадахаас гадна цана, чаргаар гулгах тэмцээн уралдааныг ч зохион байгуулдаг аж.

Харбины цас мөсний баяр 1963 оноос эхэлсэн ба Хятадын соёлын хувьсгалын он жилүүдэд завсарлаад, 1985 онд дахин сэргэжээ. Цас мөсөн ордныг байгуулахад өнгөрсөн 12 дугаар сарын турш 300 орчим уран барималч хоногт 12-16 цагийн турш ажилласан байна. Харбины олон улсын цас мөсний баяр хоёрдугаар сарын 25-ны өдөр хүртэл байрлах ажээ.

СЭТГЭГДЭЛ БИЧИХ