А.Зюба Европын лигүүдийн "мэргэн бууч"-дын 14-рт

 Зөвхөн хөлбөмбөгийн тухай мэдээ мэдээлэл нийтэлдэг Германы "Transfermarkt" сайт 2020 оны Европын лигүүдийн "мэргэн бууч"-дын жагсаалтыг гаргав. ОУХБХ-ны шилдэг хөлбөмбөгчөөр шалгарсан Германы "Байерн" багийн 32 настай польш довтлогч Роберт Левандовски 44 тоглолтод 47 гоолтойгоор уг жагсаалтыг тэргүүлсэн байна. Удаад нь Италийн "Ювентус" багийн довтлогч Криштиану Роналду 45 тоглолтод 44 гоол, "Интер"-ийн Ромелу Лукаку 52 тоглолтод 40 гоол оруулснаар бичигдсэн аж. Тэгвэл ОХУ-ын "Зенит" багийн довтлогч Артем Зюба 14-рт оржээ. 39 тоглолтод 23-нтаа өрсөлдөгчдийнхөө хаалгыг мялаасан 32 настай түүний ард "Пари Сен Жермен"-ий Неймар, "Милан"-ы Златан Ибрагимович нар 22 гоолтойгоор бичигдлээ.