К.Роналду хөлбөмбөгийн хааны өмнө орлоо

     Италийн хөлбөмбөгийн аварга шалгаруулах тэмцээний 15-р тойрогт "Ювентус" "Удинезе"-г 4:1-ээр хожжээ. Тоглолтын 31 болон 70 дахь минутад гоол оруулсан "Юве"-гийн лидер, 35 настай португали довтлогч Криштиану Роналду албан ёсны 1.032 тоглолтод 758 гоолын эзэн болж, хөлбөмбөгийн хаан Пелегийн өмнө орсноор хоёрдугаарт бичигдсэн аж. Одоо түүний өмнө 759 гоолтой чех довтлогч Йозеф Бицан л бичигдэж буй. Түүнчлэн 15 улирал дараалж клуб болон үндэсний шигшээдээ 20 гоол оруулсан португали эр сери А-гийн мэргэн буучдын жагсаалтыг 14 гоолтойгоор ганцаараа тэргүүлж эхлэв. Түүний араас "Интер"-ийн Р.Лукаку 12, "Милан"-ы З.Ибрагимович, "Лацио"-гийн Ч.Иммобиле нар 10 гоолтойгоор нэхэж байна.