Л.Месси дээд амжилт тогтоов

    Испанийн Ла лигийн 15-р тойрогт "Барселон" "Вальядолид"-ын "Хосе Соррилья" цэнгэлдэх хүрээлэнд зочилж, 3:0-ээр хожлоо. Тоглолтын салхийг 21 минутад 25 настай франц төвийн хамгаалагч К.Лангле хагалсан бол есөн минутын дараа 29 настай дани довтлогч М.Брейтуэйт 2:0 болгожээ. Харин 65 дахь минутад багийн ахлагч бас лидер, 33 настай аргентин довтлогч Лионель Месси эцсийн цэгийг нь тавьсан аж. Энэ нь түүний "Барса"-гийн төлөө хийсэн 644 дахь гоол болсон ба домогт Пелегийн 643 гоолтой дээд амжилтыг 46 жилийн дараа эвдсэн юм. Пеле 1956-1974 онд буюу 18 жил Бразилын "Сантос"-т тоглохдоо 643 гоол оруулсан бол Л.Месси 2003 оноос хойш 17 жил "Барса"-д хүчин зүтгэхдээ 644-нтөө өрсөлдөгчдийнхөө хаалгачийг гомдоогоод байна.