Л.Месси 46 жилийн дараа Пелегийн дээд амжилтыг давтлаа

  Испанийн Ла лигийн 14 тойрогт домогт "Барселон" "Валенси"-тэй 2:2-оор тэнцэв. Тоглолтын 45 дахь минутад "Барса"-гийн ахлагч Лионель Месси мөргөж гоол оруулснаар "хөлбөмбөгийн хаан" Пелегийн 643 гоолоор өрсөлдөгчдийнхөө хаалгыг мялаасан дээд амжилтыг давтлаа. Түүнчлэн уг гоол аргентин довтлогчийн мөргөж оруулсан 25 дахь гоол болсон ба 2017 оны гуравдугаар сараас хойш мөргөж гоолдоогүй байсан юм.                             Пеле 1956-1974 онд буюу 18 жил нутгийнхаа "Сантос" багт тоглож байж дээрх амжилтад хүрсэн бол Лионель Месси 2003 оноос "Барселон"-д хүчин зүтгэж байгаа билээ.