Р.Левандовски, Л.Бооунз нар шилдгээр шалгарлаа

     Олон улсын хөлбөмбөгийн холбооны "The Best-2020" шагнал гардуулах ёслол өчигдөр болов. Хамгийн нэр хүндтэй шагнал болох шилдэг эрэгтэй хөлбөмбөгчөөр Польшийн шигшээ болон Германы "Байерн" багийн 32 настай довтлогч Роберт Левандовски тодорлоо. Тэрээр "Ювентус"-ын К.Роналду, "Барселон"-ы Л.Месси хоёртой өрсөлдсөн юм. Шилдэг хаалгачаар "Байерн"-ийн Мануэль Нойер, шилдэг дасгалжуулагчаар "Ливерпуль"-ийн Юрген Клопп шалгарсан байна. Харин Ференц Пушкашийн нэрэмжит шилдэг гоолын шагналыг "Тоттенхэм"-ийн Сон Хын Мин хүртэв.