Р.Власов дэлхийн цомд түрүүллээ

  Сербийн нийслэл Белградад бөхийн төрлүүдийн дэлхийн цомын тэмцээн болж байна. Сонгомол бөхийн 77 кг-ын жинд олимпын болон дэлхийн хошой аварга Роман Власов аваргалав. Грекийн Г.Преволаракисыг 10:0, Германы П.Эйселег 8:6, Армений К.Чаляныг 3:1-ээр буулгаж авсан тэрээр хагас шигшээд дэвжээний эзэн орны В.Немесийг 2:1-ээр хожсон аж. Аваргын төлөөх барилдаанд Унгарын З.Левайг 6:1-ээр ялжээ. Хүрэл медалийг Сербийн В.Немес, Молдавын А.Гуту нар хүртсэн байна.