Covid-19: АНУ-д вакцинжуулалт эхэллээ

АНУ-д ковид19 өвчний вакцинжуулалт эхэллээ. Вакцинжуулалт эхэлсэнтэй холбогдуулан АНУ-ын Ерөнхийлөгч Доналд Трамп “Эхний вакцин хийгдлээ. АНУ-д баяр хүргэе. Дэлхийд баяр хүргэе” хэмээн жиргэжээ. Цар тахлын тархалд урьд хожид байгаагүй хэмжээнд хүрч, хоногт 300 000 хүн шинээр оношлдогдож байгаа хүнд үед ийнхүү тус улсад дархлаажуулалтын аян эхэлж байна.

Цар тахалд хамгийн ихээр нэрвэгдсэн мужуудыг вакцинаар эхний ээлжинд хангаж байгаа. Энэ бодлогын дагуу вакцинжуулалт Нью Йорк мужаас эхэлсэн байна. Хамгийн анхны тунг тариулсан Нью Йоркийн сувилагч Сандра Линдси сэтгүүлчдэд “Удахгүй бүх зүйл хэвийн болох юм шиг мэдрэмж төрж байна” хэмээн баяртайгаар мэдэгджээ.

АНУ-ын мужууд дор бүрнээ өргөн хүрээтэй дархлаажуулалтын аянд эрчимтэй бэлтгэж байна. Одоогоор нэгдсэн улсын хэмжээнд 150 эмнэлгийг зөвхөн вакцинжуулалтын зориулалтаар бэлтгээд байгаа бөгөөд цаашдаа тоог нь нэмэгдүүлж, ирэх дөрөвдүгээр сар гэхэд 100 сая хүнийг хамруулах зорилт тавиад байгаа юм. Вакциныг -70 хэмийн хүйтэн үүсгэдэг тусгай хөргүүрээр зөөвөрлөж байгаа юм.  

eagle.mn