"Барса" гэртээ хожигдлоо

       Аваргуудын лигийн "G" хэсгийн зургаа дахь тойрогт Испанийн "Барселон" алдарт "Камп Ноу" цэнгэлдэх хүрээлэндээ Криштиану Роналду тэргүүтэй Италийн "Ювентус"-ыг хүлээн авав. Хоёр багийн эхний тоглолт "Ювентус"-ын талбайд болоход зочид 2:0-ээр хожсон билээ. Харин энэ удаа италичууд 3:0-ээр хожиж, хариугаа чангахан авах нь тэр. Тоглолтын гол баатраар тодорсон португали эр Криштиану Роналду 13 болон 52 дахь минутад 11 метрийн торгуулийн цохилтыг амжилттай гүйцэтгэсэн бол 22 настай америк хагас хамгаалагч В.Маккенни 20 дахь минутад гоол оруулжээ. Энэ хэсгийн нөгөө тоглолтод Украины "Динамо" Унгарын "Ференцварош"-ийг 1:0-ээр хожсон аж.