Марадонаг эцэг, эхийнх нь хажууд оршуулжээ

Аргентины хөлбөмбөгчин Диего Марадонаг түүний эцэг, эхийнх нь булш байдаг газарт оршуулжээ. Ройтерс агентлаг ингэж мэдээлсэн байна.

Домогт тамирчинг Буэнос-Айрес хотоос 35 километрт орших Белла-Втиста гэдэг хотхоны оршуулгын газарт оршуулжээ. Оршуулгын арга хэмжээнд хөлбөмбөгчний төрөл төрөгсөд болон ойр дотны найз нөхөд нь л оролцсон байна.

 Өөрийн шүтээн болсон хүнтэй салах ёс гүйцэтгэхээр олон мянган аргентинчууд гудамжинд цугларсан байжээ. Арга хэмжээг цагт нь дуусгахын тулд цагдаа нар ерөнхийлөгчийн ордонд хүрэх гудамжийг хаахад хүрсэн байна. Гэвч хууль сахиулагчид руу лонх шидэж, ингэснээр салах ёслол гүйцэтгэх хугацааг сунгахад хүрчээ.

 Марадона арваннэгдүгээр сарын 25-нд нас барсан юм. Задлан шинжилгээний урьдчилсан дүнгээс үзвэл тэрээр зүрхний хурц дутмагшилаар нас барсан аж.

 Марадона хөлбөмбөгчний хувиар «Барселона», «Наполи» болон «Ньюэллс Олд Бойз» клубт тоглож,  нэрд гарсан юм. Тэрээр 1986 онд Аргентины шигшээ багийн бүрэлдэхүүнд дэлхийн аварга болсон билээ. Хөлбөмбөгийн түүхэнд хамгийн аугаа тоглогчдын нэгэнд тооцогддог юм.

 

Б.Атар