З.Мэндсайхан: ЖДҮ эрхлэгчдийн зээлийн төлөлтийг долоодугаар сарын 1-н хүртэл хойшлуулна

УИХ-ын чуулганы хуралдаан үргэлжилж байна. 

УИХ-ын гишүүн Ж.Батсуурь "ЖДҮ эрхлэгчдийг долоодугаар сарын 1-н хүртэл НДШ, ХАОАТ-аас чөлөөлөх боломж бий юу? Тодорхой хариулт хүсэж байна.

Орон нутгаас Улаанбаатар хотод ирээд хорионд орсон хүмүүст ямар нэгэн дэмжлэг байна уу? 900 орчим мянган өрх өвлийн идшээ иднэ. Яг одоо нядалгаа болох гэж байна. Ноолуур худалдаж авдаг төр нэгдсэн бодлогоор идэш аваад иргэдэд тарааж төлбөр тооцоог нь дараа нь зохицуулах боломж бий юу" хэмээн асуув.

Үүнд ХХААХҮ-ийн З.Мэндсайхан “112 мянган тонн мах экспортлохоор бэлтгэлийн үйл ажиллагаа явагдаж байна. Хэвийн төлөлттэй явж буй ЖДҮ эрхлэгчдийн зээлийн эргэн төлөлтийг долоодугаар сарын 1-н хүртэл хойшлуулна” гэлээ.

ХНХ-ын сайд А.Ариунзаяа “Нийгмийн даатгалын алданги, торгуулийг долоодугаар сарын 1-н хүртэл тооцохгүй байх чиглэл гаргасан. Үүн дээр хуулийн төсөл боловсруулж, УИХ-д өргөн барина. Түүнээс биш НДШ-ийн чөлөөлөлтийн асуудал яригдаагүй” гэв.