Монголын оюутны спортын V их наадмын эмэгтэйчүүдийн сагсан бөмбөгийн тэмцээний аваргаар МУИС-ийн Шонхорууд баг түрүүлж алтан медалийн эзэд болжээ. Шонхоруудад 69:48-аар хожигдсон Отгонтэнгэр их сургуулийн баг оюутны спортын V их наадмын мөнгөн медалийн эздээр шалгарлаа.

Харин хүрэл медалийн төлөөх өрсөлдөөн Этүгэн их сургуулийн Ирвэсүүд баг 91:48-аар МҮИС-ийг хожиж хүрэл медалийн эзэд болов.

Мөн V их наадмын эрэгтэй аваргын төлөөх тулаанд хэдхэн минутын өмнө МУИС ИЗОУИС-ийн Бүргэдүүд багийг 95:78-аар хожиж аваргын алтан медалийн эздээр тодорлоо. Эрэгтэй сагсан бөмбөгчдийн хүрэл медалийн төлөөх тоглолтод Отгонтэнгэр их сургуулийн Шилүүснүүд баг Мон-Алтиус БТДС-ийн Арслангууд багийг 66:62-оор хожиж Монголын оюутны спортын V их наадмын хүрэл медаль хүртэж байна.