Коронавирусийн улмаас хоногт хамгийн олон хүн нас барлаа

Дэлхий дахинд коронавируст халдварын улмаас өдөрт 9763 хүн нас барсан тохиолдол бүртгэгдсэн нь цар тахал дэгдэж эхэлснээс хойшхи хамгийн олон тохиолдол болжээ.

Түүнчлэн АНУ-д халдварын хамгийн олон тохиолдол бүртгэгджээ. “Reuters” агентлагийн мэдээлснээр тус улсад өдөрт 102.5 мянган халдварын тохиолдол бүртгэгдсэн байна.

Дэлхий дахинд халдварын нийт 48.4 сая тохиолдол бүртгэгдэж, 1.2 сая хүн нас баржээ. Хамгийн олон тохиолдол илэрсэн тоогоор АНУ (9.4 сая) бичигдэж байгаа бол цаашлаад Энэтхэг (8.3 сая), Бразил (5.5 сая) тэмдэглэгдсэн юм. ОХУ энэ үзүүлэлтээр дөрөвдүгээрт бичигдэж байгаа бөгөөд тус улсад өнгөрсөн лхагва гарагт өмнө нь бүртгэгдээгүй хамгийн олон тохиолдол бүртгэгдсэн юм.