Энэ өдөр Франклин Рузвельт гурав дахь удаагаа ерөнхийлөгчөөр сонгогдож байжээ

Одоогоос 80 жилийн өмнө Америкчуудын дунд асар их нэр хүндтэй Франклин Делано Рузвельт (1882-1945), гурав дахь удаагаа АНУ-ын ерөнхийлөгчийн сонгуульд ялалт байгуулж байжээ.

 

Тэрээр АНУ-ын ерөнхийлөгчөөр дөрөв дэхь удаагаа сонгогдоод, уг албан тушаалд ажиллаж байхдаа нас барсан юм. Рузвельт нөхцөл байдлыг хурцаар мэдэрдэг уян улстөрч байсан бөгөөд тогтсон нийгэм, эдийн засгийн бүтцийг улам хөгжүүлэн, АНУ-ыг дэлхийд тэргүүлүүлэхээр зүтгэж байжээ. Рузвельт үргэлж эрүүл саруул сэтгэлгээтэй прагматик улстөрч байлаа. Тэрээр дөрвөн удаа ерөнхийлөгчөөр сонгогдсон нь Америкийн түүхэнд дээд амжилт болсон юм. Тэрээр 1945 оны дөрөвдүгээр сарын 12-нд нас баржээ.

 

Түүнийг дэд ерөнхийлөгч Гарри Трумэн (1884-1972) орлосон байна. Конгресс 1947 онд “хэн ч ерөнхийлөгчөөр хоёроос дээш удаа сонгогдох боломжгүй” гэсэн засварыг Үндсэн хуульд оруулсан байна.