Гавьяат тамирчин Ц.Нацагдорж агсны нэрэмжит залуучуудын УАШТ боллоо

Минск-1975” ДАШТ-ий мөнгө, “Стамбул-1974” ДАШТ-ий хүрэл, 1975 оны Дэлхийн цомын мөнгөн медальт, 1995, 1996 оны ахмадын дэлхийн хошой аварга, 1973 оны Азийн аварга, “Москва-1973” Дэлхийн оюутан залуучуудын “Универсиад” их наадмын аварга, 1972, 1974, 1975, 1977 оны “Интернационал” ОУТ-ий аварга, 1969, 1971, 1972, 1973, 1975 оны улсын аварга, Монгол Улсын гавьяат тамирчин Цэдэндамбын Нацагдорж агсны нэрэмжит залуучуудын Улсын аварга шалгаруулах тэмцээн аравдугаар сарын 29-нөөс арваннэгдүгээр сарын 1-нд Баянхонгор аймагт боллоо.

Эрэгтэйчүүдийн 39, эмэгтэйчүүдийн 14 дэх удаагийн тэмцээнийг “Арж” групп, Баянхонгор аймгийн Засаг даргын тамгын газар, тус аймгийн Биеийн тамир, спортын газар, Монголын чөлөөт бөхийн холбоо, Баянхонгор аймгийн чөлөөт бөхийн холбоо хамтран зохион байгуулав. Нийслэл, дүүрэг, хөдөө, орон нутгийн 22 байгууллагын 220 гаруй тамирчин эрэгтэй, эмэгтэйчүүдийн тус бүр 10 жинд хурд, хүч, авхаалж самбаагаа сорин өрсөлдөв.

Залуучуудын УАШТ-ий эрэгтэйчүүдийн багийн дүнг гавьяат дасгалжуулагч Ц.Баярсайхан дасгалжуулагчтай Дархан-Уул аймаг, “Хасу-Мегастарс” клуб 190 оноогоор тэргүүлж, спортын мастер С.Мөнхдуулдах дасгалжуулагчтай Баянхонгор аймаг, “Хонгор нутаг” дэвжээ 149 оноогоор удаалж, Х.Чойжилжав дасгалжуулагчтай МУБИС 87 оноогоор гуравдугаар байрт оров. Эмэгтэйчүүдийн багийн дүнг гавьяат дасгалжуулагч С.Мөнхдуулдах дасгалжуулагчтай Баянхонгор аймаг 100, гавьяат дасгалжуулагч Ц.Хосбаяр дасгалжуулагчтай “Алдар” спорт хороо 99, спортын мастер Ё.Батдархан дасгалжуулагчтай Дархан-Уул аймаг, “Хасу-Мегастарс” клуб 91 оноогоор эхний гурван байрыг эзэллээ. Шилдэг эрэгтэй тамирчнаар Э.Дөлөө, эмэгтэй тамирчнаар Б.Энхзул, дасгалжуулагчаар Ё.Батдархан, шилдэг шүүгчээр Б.Гансүх нар тодров.

Сүүлийн өдрийн дүн

Эрэгтэйчүүдийн 61 кг (23 бөх)

1. Н.Наранхүү (Дархан-Уул, Хасу-Мегастарс)
2. Р.Баттулга (ҮБТДС)
3. Д.Төрбаяр (МУБИС)
4. Б.Бямбасүрэн (Архангай)

74 кг (18 бөх)

1. Э.Бямбадорж (Бяанхонгор)
2. О.Сүлдхүү (Дархан-Уул, Хасу-Мегастарс)
3. Г.Доржсүрэн (Архангай)
4. Б.Мөнхдаваа (Сонгинохайрхан MJ)

86 кг (12 бөх)

1. М.Тэмүүжин (Хангарьд)
2. Ц.Лхагвамягмар (Сэлэнгэ)
3. А.Ууганбаатар (Аварга дээд сургууль)
4. Т.Балжинням (Хангайн хүчтэн)

97 кг (3 бөх)

1. П.Бат-Орших (Баянхонгор)
2. А.Дорждэрэм (Алдар)
3. н.Мөнх-Эрлэнэ (Сэлэнгэ)

125 кг (11 бөх)

1. Э.Батмагнай (Баянхонгор)
2. С.Сүхбат (Алдар)
3. А.Баянмөнх (Аварга)
4. Б.Энх-Оргил (Дархан-Уул, Хасу-Мегастарс)

Эмэгтэйчүүдийн 53 кг (3 бөх)

1. Ч.Отгонтуяа (Алдар)
2. М.Пүрэвтунгалаг (Баянхонгор)
3. Б.Номуун (Баянхонгор)

59 кг (7 бөх)

1. Б.Хонгорзул (Баянхонгор)
2. Н.Энхтуяа (Аварга дээд сургууль)
3. Б.Сансармаа (Архангай)

62 кг (10 бөх)

1. Б.Түмэнхүслэн (Баянхонгор)
2. Д.Наранжаргал (Архангай)
3. Б.Майцэцэг (Алдар)
4. М.Ренцэнханд (Хангарьд)

65 кг (6 бөх)

1. Т.Энхжин (Алдар)
2. Ц.Должинсүрэн (Архангай)
3. Хонгонзул (Баянхонгор)

72 кг (3 бөх)

1. Д.Цогзолмаа (Орхон аймаг, Ирээдүйн одод)
2. Б.Дэлгэрцэцэг (Өмнөговь)
3. Б.Найдансүрэн (Алдар)