А.Садулаев улсынхаа аваргад тав дахиа аваргаллаа

А.Садулаев улсынхаа аваргад тав дахиа түрүүлж,дагестанууд найман жинд аваргаллаа      Хойд хөршийн чөлөөт бөхийн улсын аварга шалгаруулах тэмцээн дагестануудын бахдам амжилтаар өндөрлөжээ. Тэд арван жингийн наймд нь түрүүлсэн аж. Тодруулбал А.Магомедов 57, Г.Рашидов 61, З.Угуев 65, Р.Жамалов 74, А.Усманов 79, Д.Куруглиев 86, А.Жабраилов 92, А.Садулаев 97 кг-д. Үлдсэн хоёр жинд буюу 70 болон 125 кг-д Аланиягийн Ч.Валиев, А.Хугаев нар алтан медаль зүүжээ. Дашрамд дурдахад 97 кг-д Умард Осетийн А.Сотиевийг шигшээд ялсан олимпын аварга, дэлхийн дөрвөн удаагийн аварга А.Садулаев тав дахиа улсынхаа аварга болсон юм.