Аваргуудын лигд өрсөлдөх багуудын тоог нэмнэ

Европын хөлбөмбөгийн холбоо буюу УЕФА-гийн хамгийн нэр хүндтэй тэмцээн бол Аваргуудын лиг. Эл тэмцээнд 32 баг оролцдог ба 2024-2025 оны улиралд багуудын тоог дөрвөөр нэмэх төлөвлөгөөтэй байгаа гэнэ. Одоогоор хоёр хувилбар яригдаж буй бөгөөд эхнийх нь 36 багийг зургаан хэсэгт хуваарилж баг тус бүр арав тоглоно.  Айлын болон өөрийнхөө талбайд тус бүр тав. Хоёр дахь хувилбар нь баг тус бүр арван өөр багтай нэг нэг нийт арав тоглох ба үрийн систем дээр үндэслэн тохирно гэсэн таамаг байна. Уг хувилбар нь хэсгийн шилдэг тоглолтуудын тоог нэмэх агаад Аваргуудын лигийг шууд дамжуулагчдын сонирхлыг илүү татахуйц болгох гэнэ. Эцсийн шийдвэрийг ЕХБХ хойтон гаргана.