Боксын холбооны ерөнхийлөгч Д.Бат-Эрдэнэ үүрэгт ажлаа өгнө

Монголын боксын холбооны ерөнхийлөгч, УИХ-ын гишүүн Д.Бат-Эрдэнэ үүрэгт ажлаа өгөхөөр боллоо. Монголын боксын дасгалжуулагч, цөөнгүй зүтгэлтэн нэгдэн түүнд ажлаа сайжруулахыг удаа дараа сануулсан ч дорвитой ажил хийгээгүй юм байна. Иймд боксын нийт дасгалжуулагч, тамирчид гарын үсэг цуглуулан шаардах бичиг хүргүүлэхэд ажлаа өгөхөө хэлжээ.

Тэд Д.Бат-Эрдэнийг холбоог удирдах хугацаанд хэрэг зөрчил, талцал хуваагдал хэрээс хэтэрч, тамирчдын амжилт буурсан гэж үзэж байгаа юм. Монголын боксын холбооны ерөнхийлөгчийг сонгох хурлыг зохион байгуулах комисс батлагдаж, ирэх долоо хоногийн амралтын өдөр хийхээр болсон байна.