Саарал жагсаалтаар далимдуулж долларын ханшийг өсгөж байна

Өнөөдрийн /2019.10.21/ Монгол банкны албан ханшийг харахад нэг ам.доллар 2679 төгрөгтэй тэнцэж байгаа ч валютын захууд нэг ам.долларыг 2700 төгрөгөөр зарж байна. Өнгөрсөн долоо хоногоос 20 төгрөгөөр нэмэгджээ. Монгол Улс саарал жагсаалтад орсноор төгрөгийн ханш суларч доллар өснө гэсэн хариуцлагагүй мэдэгдлийг зарим нэр хүндтэй эдийн засагчид, улстөрчид хийснээс болж ийнхүү зохиомлоор, хиймлээр долларын ханш өсч байна. Дайны хажуугаар дажин гэгчээр аливаа асуудалд ул суурьгүй, бодлогогүй хандаж, улстөржүүлж, өөрсдөдөө ашигтай үйлдэл хийх гэсэн нэг хэсгийн хохирогч ард түмэн болно. “Де Факто” нэвтрүүлгийн хөтлөгч, эдийн засагч Д.Жаргалсайхан долларын ханш 7000 хүрнэ гэж жиргэжээ. Эдийн засгийн мэдлэгээрээ толгой цохьдог гэдэг эрхэм эдийн засагчийн мэдэгдэл цочролд оруулахад хүргэж байна. Юутай ч саарал жагсаалтаар далимдуулж, эдийн засгаа бүү хямраагаасай.