“Улаанбаатар” өвлийн наадам “Скайрезорт” цанын баазад болно

Нийслэлийн Аялал жуулчлалын газар, “Скай Резорт” ХХК-тай хамтран “Улаанбаатар” өвлийн наадмыг “Скайрезорт” цанын баазад  хоёрдугаар сарын 15-16-нд зохион байгуулна.

Энэхүү наадмаар эх орныхоо үзэсгэлэнт өвлийн улирал, ёс заншил, өв уламжлал, дахин давтагдашгүй өвөрмөц соёлыг сурталчлахын зэрэгцээ залуу үедээ өвлүүлэн үлдээх, шинэ тутам хөгжиж буй өвлийн улирлын экстрем спорт, аяллын төрлүүдийг нийслэлийнхэндээ таниулах юм. Улмаар амралтын өдрүүдийг гэр бүлээрээ аз жаргалтай өнгөрүүлэхэд тус наадмын зорилго оршиж буй. Наадмын үеэр төрөл бүрийн үйлчилгээнээс гадна мөсөн сурын харваа, мөсний шагай, снөүбоард зэрэг тэмцээн уралдаан зохион байгуулахаар төлөвлөжээ.