Дээврийн мөснөөс холуур зорчихыг анхаарууллаа

Ойрын өдрүүдэд ихэнх нутгаар цаг агаар дулаарч, хүйтний эрч сулрах төлөвтэй байна. Үүнтэй холбоотойгоор дээврийн цас хайлж, шөнөдөө мөстөн иргэдийн дээрээс унаж, бэртэл гэмтэлд хүргэж болзошгүй нөхцөл байдал үүсжээ. Тиймээс байшингийн дээврийн мөснөөс холуур явах, доор нь автомашинаа байрлуулахгүй байхыг Онцгой байдлын байгууллагаас анхаарууллаа.

Мөн шар усны үер нь ойр орчныхоо бохирыг тээвэрлэн урсдаг тул олон төрлийн халдварт өвчин үүсгэгч нян зөөгдөх магадлал өндөр. Шар усны бохир ус агаарт тодорхой хэмжээгээр уурших эсвэл хөрсөнд шингэснээр орчны бохирдлыг бий болгодог учир дараах зөвлөмжийг сахихыг зөвлөлөө.