Казахстан улсын Элчин сайд Ж.Ж.Адилбаевыг хүлээн авч уулзлаа

Засгийн газрын гишүүн, Батлан хамгаалахын сайд Г.Сайханбаяр Бүгд Найрамдах Казахстан Улсаас Монгол Улсад суугаа Онц бөгөөд Бүрэн эрхт Элчин сайд Ж.Ж.Адилбаевыг хүлээн авч уулзлаа.

Уулзалтын үеэр хоёр тал Монгол, Казахстаны ард түмний олон зуун жилийн түүхтэй найрсаг харилцаа, хамтын ажиллагааны талаар санал солилцож, түүний дотор Батлан хамгаалах салбарын харилцаа жилээс жилд өргөжин хөгжиж байгааг харилцан тэмдэглэсэн юм.

Бүгд Найрамдах Казахстан Улсаас Монгол Улсад суугаа Онц бөгөөд Бүрэн эрхт Элчин сайд Ж.Ж.Адилбаев Батлан хамгаалахын сайд Г.Сайханбаярт хандан Батлан хамгаалахын сайдын өндөр хариуцлагатай албанд томилогдсон явдалд баяр хүргэж, амжилт хүслээ.