Эрчим хүчний сайд Н.Тавинбэх 235 саяын гурван орон сууц, 60 сая төгрөгийн хадгаламжтай

Эрчим хүчний сайдаар томилогдсон Н.Тавинбэхийн товч намтар болон хөрөнгө орлогын мэдүүлгийг хүргэж байна. Н.Тавинбэх нь 1971 онд төрсөн. 49 настай. Үндэс, угсаа Халх. Ам бүл 4. Цахилгааны инженер мэргэжилтэй, Бизнесийн ухаан, эрчим хүчний магистр зэрэгтэй. 

БОЛОВСРОЛ: 

• 1989 онд Багануур дүүргийн ерөнхий боловсролын сургууль
• 1994 онд Техникийн их сургууль, 2005 онд Удирдлагын академи
• 2020 онд Шинжлэх ухаан, технологийн их сургуулийг тус тус төгссөн.

АЖЛЫН ТУРШЛАГА: 

• 1995-2001 онд Багануурын цахилгаан, шугам сүлжээний газрын Засварын албанд монтёр, мастер, албаны дарга, инженер
• 2001-2007 онд “Багануур зүүн өмнөд бүсийн цахилгаан түгээх сүлжээ” ХК-ийн дэд захирал, ерөнхий инженер
• 2007-2013 онд мөн компанийн гүйцэтгэх захирал
• 2015-2017 онд Багануур хотын захирагч
• 2017 оноос одоог хүртэл “Багануур зүүн өмнөд бүсийн цахилгаан түгээх сүлжээ” ХК-ийн гүйцэтгэх захирлаар ажиллаж байна.

ХӨРӨНГӨ ОРЛОГЫН МЭДҮҮЛЭГ

Н.Тавинбэхийн Авлигатай тэмцэх газарт мэдүүлсэн 2019 оны Хөрөнгө орлогын мэдүүлгийг хүргэж байна. Эрчим хүчний сайдаар томилогдох Н.Тавинбэхийн өөрийн орлого жилийн 97 сая, гэр бүлийн орлого 40 сая, 235 сая төгрөгийн үнэ бүхий нийтийн орон сууц, барилга байгууламж, 423 сая төгрөгийн малтай хэмээн ХОМ-тээ бөглөжээ.

Н.Тавинбэхийн өөрийн орлого өмнөх жилээс 89 сая төгрөгөөр буурсан бол гэр бүлийн орлого нь 14-өөс 40 сая хүртэл өсчээ. Түүний хадгаламж мөн адил өмнөх оныхоос 21 саяар буурсан байна.

• Өөрийн орлого: 97.300.600 төгрөг
• Гэр бүлийн орлого: 40.676.440 төгрөг
• Орон сууц, барилга байгууламж: 235.000.000 төгрөгийн үнэлгээ бүхий гурван нийтийн орон сууц
• Тээврийн хэрэгсэл: Байхгүй
• Мал, аж ахуй: 423.800.000 төгрөгийн үнэлгээ бүхий Адуу-533, Үхэр-139, Хонь-1580, Ямаа-220
• Газар: 21.547.500 төгрөгийн үнэлгээ бүхий Эзэмших-1га-4, Эзэмших-10га-2, Эзэмших-100га-1, Эзэмших-500га-1, Эзэмших-650м2-1
• Үнэт эдлэл: Байхгүй
• Хадгаламж: 60.733.080 төгрөг
• Авлага: 270.000.000 төгрөг
• Зээл: 198.826.190 төгрөг
• Компани нөхөрлөл, хоршоонд оруулсан хөрөнгө оруулалт: Эрдэнэс таван толгой ХХК ХХК 1072ш, Эрдэнэс таван толгой ХК 1072ш, Эрдэнэс таван толгой ХК 1072ш, Разно импекс нэгдэл ХК 51ш.