Роман Абрамович баячуудын жагсаалтын 12 дугаарт бичигджээ

Британийн "Sunday Times"сэтгүүл тус орны баячуудын жагсаалтыг гаргажээ. Уг жагсаалтын 12 дугаарт хөлбөмбөгийн "Челси" багийн эзэн, Оросын тэрбумтан Роман Абрамович бичигджээ.

Түүнийг 10,16 тэрбум фунт стерлингийн хөрөнгөтэйд тооцжээ. Тус жагсаалтад мөн 11,68 тэрбумын хөрөнгөтэй Алишер Усманов,10,23 тэрбумын хөрөнгөтэй Михаил Фридман нар багтжээ. Алишер жагсаалтын долоодугаарт, Михаил 11 дүгээрт бол Их Британийн тэргүүн баян Жеймс Дайсо 16,2 тэрбумын хөрөнгөтэйгээр тэргүүлжээ.

Дашрамд дурьдахад, Роман Абрамович 2003 онд "Челси"-г 140 сая фунт стерлингээр худалдан авсан ба түүнээс хойш баг нь улсынхаа аваргад 5, цомын аваргад 3, Европын лигд 2, Аваргуудын лигд нэг түрүүлээд байна. Тэрээр өнгөрсөн 12 дугаар сард Британийн тэрбумтан Жим Рэтклиффт багаа худалдахаас татгалзсан билээ.