GoPro 10-р сарын 1-нд шинэ камераа танилцуулна

GoPro албан ёсны веб хуудаснаа “This is Action” нэртэй богино хэмжээний тизер бичлэгийг нийтэлжээ. Уг бичлэг дээр 2019 оны 10-р сарын 1 гэсэн огноо байх бөгөөд салбарынхан энэ өдөр GoPro дараагийн үеийн камераа танилцуулна хэмээн батлаад байна.

Зарим эх сурвалжийн үзэж байгаагаар энэ удаагийн камер нь GoPro-ийн өмнөх камеруудаас эргүүлж болдог дэлгэц болон гэрэл зэрэг нэмэлт тоног хийх боломжтойгоороо онцлог байх аж. Мөн сайжруулсан GP2 чип, 12MP-ийн сенсор зэрэг шинэ зүйлстэй байх магадлалтай гэжээ.

Дараах зургийг photorumors.com сайтаас GoPro Hero 8-ийн боломжит загвар хэмээн танилцуулсан байна.

Энэ жил Хятадын DJI компани Osmo Action нэртэй камер танилцуулсан нь одоогийн GoPro Hero 7-ийн томоохон өрсөлдөгч болж чадсан билээ. Иймд удахгүй танилцуулагдах GoPro Hero 8 хүлээлт өндөртэй байна.