Английн телевиз Владимир Путины тагнуулч байсан үеийн тухай кино бүтээж эхэлжээ

Английн “Channel 4” телевизийн суваг Оросын Ерөнхийлөгч Владимир Путины тагнуулч байсан үеийн тухай “Путин: Оросын тагнуулчийн түүх” (“Putin: A Russian Spy Story”) нэртэй цуврал кино бүтээж эхэлсэн тухай “ВВС” агентлаг уламжилжээ.

Гурван ангит тус кинонд Владимир Путиныг ЗХУ-ын КГБ буюу Улсын аюулгүй байдлын хороонд ажиллаж байсан үеийн тухай өгүүлэхээс гадна тагнуулчийн туршлага нь Оросын Ерөнхийлөгч болоход нь хэрхэн нөлөөлснийг харуулах аж.

“Channel 4”-ийн албан ёсны мэдээлэлд, “Америкийн гурван Ерөнхийлөгч, Английн дөрвөн Ерөнхий сайд солигдохыг үзсэн Оросын Ерөнхийлөгч Владимир Путин урвалт, хилэн, бардам занг даван улс орноо дэлхийн тавцанд хэрхэн их гүрний хэмжээнд эргүүлэн тавьсан тухай өгүүлнэ” гэжээ.

Н.Түвшин