Дэлхийн есөн толгой баян ганц өдрийн дотор 18 тэрбум доллараар “ядуурав”

Дэлхийн есөн толгой баян ганц өдрийн дотор 18 тэрбум ам.доллараар “ядуурсан” тухай бизнес мэдээллийн “Forbes” сэтгүүл мэдээлж байна.

АНУ-ын хөрөнгийн биржүүдийн индекс, үүгээр дамжуулан компаниудын хувьцааны ханш өнгөрсөн лхагва гаригт огцом унасан нь үүнд нөлөөлсжээ. “Dow Jones”-ийн индекс гэхэд л энэ жилд байгаагүйгээр унажээ.

Дэлхийн хамгийн баян хүн, “Amazon” компанийг үүсгэн байгуулагч Жефф Безос ганц хоногт 3.5 тэрбум ам.доллар алдаж, “Facebook”-ийн Марк Цукерберг 3.2, “LVMH”-ийн Бернар Арно 3 тэрбум ам.доллараар тус тус “ядуурчээ”.

Томоохон компаниудын хувьцаа үнэгүйдэхэд дэлхийн топ 10 баянаас Нью Йорк хотын захирагч асан Майкл Блумбергийн хөрөнгө л дундраагүй аж.

Н.Түвшин