9 цаг гаруй шатсан Парисийн эх дагины сүмээс юу юуг авч үлдэж чадсан бэ?

   Нотр-Дам де Пари гэдгээрээ бас танигдаж хэлэгдэж ирсэн алдарт Парисын Эх дагины сүм нийт 9 цаг гаруй шатсан байна. Энэ нь Европ тивдээ хамгийн эртний бөгөөд хамгийн гоё барилгын нэг юм.

Парис хотын төвд орших католиг шашны энэ сүм бол францын нийслэлийн бэлэгдлүүдийн нэг  мөнөөс мөн. Готикийн хэлбэртэй (шөвгөр оройтой) сүмийг Парисын хамба Морис  де Сюллигийн санаачлагаар 1163-1345 оны хооронд барьжээ. Парисын Эх дагины сүм нь дэлхийн хамгийн нэртэй дурсгалт газруудын  нэг болж чадсанаараа гайхамшигтай билээ.

Сүмийн өндөр нь 35 метр, урт нь 130 метр, өргөн нь 48 метр, хонхны гонхны өндөр нь 69 метр, өмнө талын цамхаг дахь Эммануэль Хонхны жин нь 13 тонн, хонхны  хэл нь 500 килограмм жинтэй.

Гал гарах үед сүмийг сэргээн засварлаж байжээ.  Эрх баригчид  гал гарсан шалтгааныг сэргээн засварлах ажил хийх үеэр зөрчил гаргажээ хэмээн тойруугаар мэдэгдэж байна.

Барилгын шат 2019 оны дөрөвдүгээр сарын 11-нд ийм байдалтай харагдаж байв.

Харин 2019 оны дөрөвдүгээр сарын 15-нд Нотр-Дам де Парид (Парисын Эх дагины сүм) гэнэт их гал гарч дүрэлзэж эхлэжээ.

Сүм УБ-ын цагаар дөрөвдүгээр сарын 16-ны шөнийн 00 цаг 50 минутын хавьд шатаж эхлэжээ. Парис хотын захиргаанаас мэдээлсэнээр,

дээврийн баруун хэсэгт эхэлж гал гарсан байна. Тэнд сэргээн засварлах ажил ид хийгдэж  байжээ. УБ-ын цагаар шөнийн 02 цаг гэхэд сүмийн шовгор орой, жаахан хожуу дээвэр нь нурсан байдаг.

Газета “Le Figaro” сонин гал сөнөөгчдийн хэлсэнийг иш татан мэдээлсээр л, сүмийн түймрийг есөн цаг гаруйн дараа  бүрэн унтраажээ.

Аврах албадынхан Нотр-Дамын бүтцийг бүрэн нурахаас яалт ч үгүй аварч чадсан байна.

Шатсан Эх дагины сүмийн сансраас авсан гэрэл зураг.

Хуваалцах

Жиргэх

Дэлхий 2019-04-19