Ханойд Трамп, Ким Чен Ун хоёр хэрхэн уулзах тухай мэдээлж байна

   

    АНУ-ын ерөнхийлөгч Дональд Трамп, Умард Солонгосын удирдагч Ким Чен Ун нар өнөөдөр Ханойд уулзана.  Цагаан ордноос тараасан АНУ-ын төрийн тэргүүний ажлын хуваарийн дагуу ингэж уулзах ажээ. ТАСС агентлаг Цагаан ордны мэдэгдлийг иш татахдаа,  тэд эхлээд “Sofitel Legend Metropole” зочид буудалд  “хоёр биеэрээ” 20 минут уулзана гэж мэдээлсэн байна.

Уулзалт яриа  орон нутгийн цагаар 18 цаг 40 минутад (УБ-ын цагаар 19 цаг 40 минут – ред..,) эхлэж,  орон нутгийн цагаар 19 цагт дуусах ажээ.  Үүний дараа төрийн тэргүүн нар оройн зоогийн үеэр хэлэлцээгээ үргэлжлүүлэх юм байна.

АНУ-ын ерөнхийлөгчийн тусгай нисэх онгоц мягмар гарагт Вьетнамын нийслэлийн олон улсын Нойбай гэдэг гол буудалд газарджээ.  Учрыг мэдэх хүмүүсийн хэлснийг иш татан эндхийн олон нийтийн мэдээллийн хэрэгслүүдийн  бичсэнээс үзвэл, Трамп Вьетнамын нийслэлийн бизнесийн Тылием гэдэг шинэ дүүрэг дэх “JW Marriott” зочид буудалд буусан байна.

С.Инда