“Samsung” нугалдаг ухаалаг гар утсаа танилцуулав

Өмнөд Солонгосын “Samsung” корпорац Сан Францискод шинэ бүтээгдэхүүнүүд, үүний дотор нугалдаг “Galaxy Fold” ухаалаг гар утсаа албан ёсоор танилцуулжээ.

“Galaxy Fold” планшет горимд 4.6 инчийн диагональтай 1960х840 dpi нарийвчлалтай дэлгэц дээр нэгэн зэрэг гурван аппликейшн гаргах боломжтой аж. Нугалсан горимд 2152х1536 dpi нарийвчлалтай дэлгэц ашиглах боломжтой юм байна. Тус утсыг ирэх дөрөвдүгээр сарын сүүлээс 1980 ам.долларын үнэтэйгээр худалдаанд гаргахаар төлөвлөжээ.

“Samsung” үүнээс гадна “S” цувралынхаа “S10”, “S10+”, “S10e” гурван шинэ ухаалаг гар утсаа танилцуулсан байна. Эдгээр бүтээгдэхүүнийг гуравдугаар сарын 8-наас худалдаанд гаргах ажээ.

Б.Туг