Дэлхийн шилдэг ухаалаг утасны жагсаалтыг Хятадын “OnePlus 6T” тэргүүлжээ

“Business Insider” сэтгүүлийн шинжээчид дэлхийн шилдэг 20 ухаалаг гар утасны жагсаалтыг гаргажээ.

Жагсаалтыг хүчтэй аккумулятор, гэрэл зураг авалтын чанар, орчин үеийн дизайнтай Хятадын “OnePlus 6T” тэргүүлсэн байна. Мэргэжилтнүүд түүнчлэн тус утасны харьцангуй хямд үнийг онцолжээ.

Жагсаалтын хоёрт “Apple” компанийн “iPhone XR”, харин гуравдугаар байрыг шилдэг камертай “Google”-ийн “Pixel 3”, “Pixel 3 XL” загварууд хуваан эзэлсэн аж. Эхний аравт мөн “Samsung Galaxy Note 9”, “iPhone XS”, ”iPhone XS Max”, “LG V40”, “iPhone X”, “Samsung Galaxy S9 Plus”, “iPhone 8 Plus”, “Samsung Galaxy S9” ухаалаг гар утаснууд багтсан байна. Тус жагсаалтад багтсан цорын ганц “qwerty” товчлууртай ухаалаг утас нь “BlackBerry Key2” ажээ.

Шинжээчдийн үзэж буйгаар, энэ сарын сүүлээр болох “Mobile World Congress” үзэсгэлэнгийн үеэр “Samsung”, “LG” компаниуд шинэ утаснуудаа танилцуулсны дараа тус жагсаалтад нэлээд өөрчлөлт өрөх төлөвтэй.

Б.Туг