Калифорнийн боомтод сүүлийн 25 жилд үзэгдээгүй их кокаин илрүүлжээ

АНУ-ын Калифорни мужийн Лос Анжелес хотоос 100 км зайд орших Хаенем боомтод сүүлийн 25 жилд үзэгдэээгүй их кокаин хар тамхи илрүүлсэн тухай “ABC News” мэдээлжээ.

Хаенем боомтод нийтдээ 221 паунд буюу 100 гаруй кг кокаиныг өнгөрсөн сарын сүүлээр илрүүлсэн аж. Эхлээд нэгдүгээр сарын 22-нд Эквадороос ирсэн хөлөг онгоцны бүхээгт 92.5 кг, улмаар мөн сарын 28-нд Гватемалын хөлөг онгоцонд найм орчим кг кокаин байжээ. Хар тамхи бүхий уутнуудыг хоёр хөлөг онгоцны аль алинд шалны дор нуусан нь илэрчээ.

Хар тамхи илрүүлэх ажиллагааг АНУ-ын Цагаачлал, гаалийн цагдаагийн газар Хил, гаалийн албатай хамтран гүйцэтгэжээ. Хар тамхины тээвэрлэлтэд эрүүгийн хэрэг үүсгэсэн ч одоогоор хэн нэгнийг баривчлаагүй байна.

Б.Туг