Өнөөдрөөс шатахууны үнэ литр тутамд 100 төгрөгөөр буурна

Монгол Улсын сайд ЗГХЭГ-ын дарга Г.Занданшатар АМГТГ-ын Газрын тосны асуудал хариуцсан орлогч дарга Ц.Эрдэнэбаяртай  уулзаж цаг үеийн асуудлаар мэдээлэл сонсов. ЗГХЭГ, УУХҮЯ-аас өгсөн чиглэлийн дагуу АМГТГ-аас нефть  импорлогч компаниудтай зөвшилцөн өнөөдрөөс АИ- 80, АИ-92, дизель түлшний жижиглэнгийн үнийг  литр тутамд 100 төгрөгөөр бууруулахаар болсныг мэдэгдлээ.

Дэлхийн  зах зээл дээрхи түүхий тосны үнэ, Монгол Улсад оруулж байгаа импортын нефтийн бүтээгдэхүүний үнэ өмнөх сараас тус тус  буурчээ. 2018 оны 12 дугаар сараас эхлэн шатахууны үнийг бууруулах талаар импортлогч компаниудтай зөвшилцөн жижиглэнгийн үнийг  шат дараатай бууруулж , өргөн хэрэглээний бензин, түлшний үнийг ийнхүү  литр тутамд нийт 250 төгрөгөөр хямдруулаад байна.

Түүнчлэн ЗГХЭГ-ын дарга Г.Занданшатар "Эрдэнэс Монгол" ХХК- ийн дэд захирал О.Одбаяр, судлаач Б.Солонгоо нарыг хүлээн авч уулзан, Асгатын мөнгөний ордыг эдийн засгийн эргэлтэд оруулах талаар хэрэгжүүлэх арга хэмжээний төлөвлөгөөг боловсруулах ажлын явцын мэдээллийг сонсов гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.