Хятадын хүн амын тоо 70 жилд анх удаа цөөрчээ

Өнгөрсөн жил хятадын хүн амын тоо 1,27 саяар цөөрсөн байна. Энэ үйл явц эргэлт буцалтгүй байж болох юм гэж мэргэжилтнүүд үзэж байгаа ажээ. 2017 онтой харьцуулвал өнгөрсөн жил Хятадад  төрөлт ихэд  багассаныг  Франс пресс агентлаг мэдээлсэн байна.

Тухайлбал, 2017 онтой харьцуулвал 2018 онд төрсөн хүүхдийн тоо хоёр сая таван зуун мянгаар цөөрчээ гэсэн дүгнэлтийг хятад, америкийн их сургуулиудын эрдэмтэд хийжээ.

Хачирхалтай ч гэлээ, энэ үзүүлэлт 790 мянгаар өсөх байх хэмээн үзэж байжээ.

Дээрх агентлагийн тэмдэглэснээр,  хүн амын тоо ингэж  цөөрөх нь сүүлийн далан жилд анх удаа ажиглагдаж байна.

Энэ нь хүүхэд төрүүлэх эмэгтэйчүүдийн тоо цөөрсөнтэй холдбоотой гэж эрдэмтэд үзэж байгаа ажээ.  Үүний дээр, эмнэлгийн тусламж авах,  боловсролтой болох  үнэ өртөг байнга нэмэгдэж байгаагаас болоод хятадууд хүүхэдтэй болохыг яарахгүй байна гэж мэргэжилтнүүд үзэж байна.

Нэг үгээр, Хятадын эрх баригчид энэ тухай албан ёсоор мэдэгдээгүй байгаа ч,  оны сүүлч гэхэд   энэ мөнгийг нэмэхээр төлөвлөж байгаа ажээ.

Хятадын үндэсний статистикийн товчооны мэдээгээр, өнгөрсөн жил  тус орны хүн ам  1,39 тэрбум байжээ.

 

С.Инда