Т.Отгонзаяа Ази тивийн аварга боллоо

Жюү жицү бөхийн Ази тивийн аварга шалгаруулах тэмцээнээс ЦЕГ-ын тусгай ажиллагааны газрын ажилтан, цагдаагийн ахмад Т.Отгонзаяа алт, мөнгөн медаль хүртжээ. Тэрээр тус тэмцээний эхний өдөр “Мастер-1” ангиллын хөх бүсний 77 кг-д мөнгөн медаль хүртэж, улмаар тус ангиллынхаа үнэмлэхүй жинд тивийн аварга болсон байна.

Т.Отгонзаяа мөнгөн медаль хүртсэнийнхээ дараа "Арай л болсонгүй. Удаахь байранд орлоо. Тусалж дэмжсэн ах нартаа, найз нөхөддөө, ажлын хамт олон, Цагдаагийн байгууллагадаа, Тусгай ажиллагааны газрын дарга, цагдаагийн хурандаа Д.Батсайхан, дэд дарга цагдаагийн дэд хурандаа Ж.Батцагаан нартаа маш их баярлалаа. Ардын багш Буянгийн Ганбат багшдаа баярлалаа" гэж цахим хуудсаараа дамжуулан сэтгэгдлээ хуваалцжээ.