Байт харвааны насанд хүрэгчдийн улсын аваргууд тодорлоо

Дархан хотонд анх удаа байт харвааны насанд хүрэгчдийн Улсын аварга шалгаруулах тэмцээн амжилттай зохион байгуулагджээ. Тус тэмцээнд 12 байгууллагын 87 тамирчин өрсөлдсөнөөс олон улсын хэмжээний мастер-13, спортын мастер-23, спортын дэд мастер-12 оролцож цэц мэргэнээ сорьжээ.

Нийт тамирчдын 58% нь өндөр зэрэгтэй тамирчид байсан нь уг тэмцээнийг илүү өрсөлдөөнтэй, сонирхолтой болгосон байна. Тэмцээн Рекурвын эмэгтэй, эрэгтэй хувийн шигшээ харваа, Рекурвын холимог багийн харваа, Рекурвын эрэгтэй, эмэгтэй багийн харваа, Компаунд эмэгтэй, эрэгтэй хувийн харваа гэсэн дөрвөн төрлөөр аваргуудаа тодруулжээ.

Нийлбэр дүнгээр нэгдүгээр байранд Алдар спорт хороо, хоёрдугаар байранд Хангарьд спорт клуб, гуравдугаар байранд Нийслэл өргөө клубын багууд тус тус шалгарсан байна.