Азийн уран гимнастикийн тэмцээнд С.Энхжин шигшээд шалгарлаа

Казакстаны Астана хотноо Ази тивийн аварга шалгаруулах уран сайхны гимнастикийн тэмцээний эхний өдөр манай тамирчин С.Энхжин шигшээ тэмцээнд шалгарсан байна.

Энэ удаагийн насанд хүрэгчдийн ес дэх, залуучуудын 15 дахь удаагийн тивийн АШТ-д БНХАУ, Япон, БНСУ, Казакчстан, БНАСАУ, Узбекстан, Киргизстан, Сингапур, Малайз, Филиппин, Тайланд, Монгол зэрэг нийт 14 орны 150 гаруй гимнастикчид ур чадвараа сорьж байгаа юм. Харин манай улсаас Х.Ундрам, С.Энхжин, Э.Энхдалай, Г.Энх-Үжин нарын дөрвөн тамирчин дасгалжуулагч Б.Болормаагийн удирдлага дор ур чадвараа сорин өрсөлдөж байна.