Кисэносато эзэн хааны цом хүртлээ

Японы нийслэл Токио хотноо болсон мэргэжлийн сүмогийн Хацү башё өнөөдөр өндөрлөлөө. Башёг тэргүүлж байсан озэки Кисэносато өнөөдөр их аварга Хакүхог давснаар 14 даваатайгаар башёг түрүүллээ. Тэрээр ес дэх өдөр озэки Котошёогикүд унасан юм. Кисэносато өчигдрийн барилдаанд Ичиноёжо А.Ичинноровыг давж, түрүүлэх болзлоо хангаад байлаа. Энэ башёд түрүүлбэл аварга цол өгөхийг түүнд амлаад байсан юм.

Ийнхүү озэки Кисэносато 2004 онд дээд зиндаанд дэвшсэнээс хойш анх удаа эзэн хааны цомыг хүртлээ. Одоо харин түүнд аварга цол олгох асуудал яригдаж эхлээд байна. Тэрээр сүүлийн өдөр их аварга Хакүхог давсан нь түүнд аварга цол өгөх асуудлыг улам бататгаж өглөө.

Н.Цэнгэл