Манай дөрвөн бөх алтан медалийн төлөө барилдахаар шалгарчээ

ОХУ-ын Чуваш улсын Новочебоксарск хотын “Чебоксары Арена” спортын ордонд тус улсын Тэргүүн М.В.Игнатьевийн нэрэмжит нээлттэй “Кубок России по женской борьбе” олон улсын тэмцээн өнөөдөр өндөрлөнө.

48 кг-ын жинд 32 бөх зодоглож байгаагаас Гавьяат тамирчин Ц.Энхжаргал нэгдүгээр тойрогт чувашийн бөх Алиса Даниловаг ялж хоёрдугаар тойрогт Санкт-Петербург хотын бөх Анжелика Ветошкинад дийлдсэн, дагах барилдаан хийнэ.

53 кг-ын жинд спортын дэд мастер Б.Болор-Эрдэнэ нэгдүгээр тойрогт казахстаны бөх Нурхан Назгулыг цэвэр ялж хоёрдугаар тойрогт ялагджээ.

Олон улсын хэмжээний мастер Г.Отгонжаргал нэгдүгээр тойрогт Красноярскийн хязгаарын бөх Александра Нищенког 9:4, хоёрдугаар тойрогт 7:3 онооны харьцаагаар ялж мөнгөн медалийн төлөө барилдаанд Хакассийн бөх Наталья Малышевад 6:8 онооны харьцаагаар ялагдаж хүрэл медалийн төлөө барилдана.

55 кг-ын жинд 23 бөх зодоглож байгаагаас олон улсын хэмжээний мастер А.Батцэцэг нэгдүгээр тойрогт дагестаны бөх Хадижат Муртузалиеваг 10:0 онооны харьцаагаар хожиж хоёрдугаар тойрогт казахстаны бөх Эмма Матисинаг 6:0 онооны харьцаагаар буулган авч гуравдугаар тойрогт мөнгөн медалийн төлөө барилдаанд буриадын бөх Марина Вильмоваг 11:0 онооны харьцаагаар ялж алтан медалийн төлөө беларуссын бөх Ирина Курочкинатай өрсөлдөнө.

Спортын мастер П.Шинэхүү нэгдүгээр тойрогт хийлж хоёрдугаар тойрогт Европийн спортын наадмын хүрэл медальт, беларуссын бөх Надежда Сушкод ялагджээ.

58 кг-ын жинд 10 бөх зодоглож байгаагаас Гавьяат тамирчин С.Цэрэнчимэд нэгдүгээр тойрогт Москва хотын бөх Екатерина Вьюноваг 10:1 онооны харьцаагаар хожиж хоёрдугаар тойрогт ялалт байгуулж хагас шигшээ барилдаанд чувашийн бөх Вероника Чумиковаг 10:9 онооны харьцаагаар ялж алтан медалийн төлөө Москва хотын бөх Юлия Албороватай барилдана.

63 кг- ын жинд 8 бөх зодоглож байгаагаас олон улсын хэмжээний мастер П.Орхон нэгдүгээр тойрогт Москва мужийн бөх Валерия Лазинскаяд 8:14 онооны харьцаагаар хожигдсон, олон улсын хэмжээний мастер Э.Цэвэгмид нэгдүгээр тойрогт Ульяновск мужийн бөх Инна Тражуковад цэвэр ялагдсан, дагах барилдаан хийнэ.

69 кг-ын жинд 16 бөх өрсөлдөж байгаагаас нэгдүгээр тойрогт Гавьяат тамирчин О.Насанбурмаа нэгдүгээр тойрогт буриадын бөх Анна Щербаковаг 9:3, хоёрдугаар тойрогт ялалт байгуулж хагас шигшээ барилдаанд Москва мужийн бөх Анастасия Братчковаг 2:2 онооны харьцаагаар хожиж алтан медалийн төлөө италийн бөх Далма Коневатай барилдана.

Олон улсын хэмжээний мастер Ш.Түмэнцэцэг нэгдүгээр тойрогт Кемерова мужийн бөх Наталья Кусинаг 5:1, хоёрдугаар тойрогт Москва мужийн бөх Галина Булатоваг 10:0 онооны харьцаагаар ялж мөнгөн медалийн төлөө барилдаанд италийн бөх Далма Коневад 1:2 онооны харьцаагаар ялагдаж хүрэл медалийн төлөө өрсөлдөнө.

75 кг-ын жинд 13 бөх зодоглож байгаагаас олон улсын хэмжээний мастер Б.Одончимэг нэгдүгээр тойрогт хийлж хоёрдугаар тойрогт спортын дэд мастер Г.Уртнасанг цэвэр ялж мөнгөн медалийн төлөө Красноярскийн хязгаарын бөх Алёна Стародубцеваг 2:0 онооны харьцаагаар дийлж алтан медалийн төлөө эстонийн бөх Эпп Маетай баридахаар болжээ.

Спортын дэд мастер Г.Уртнасан нэгдүгээр тойрогт Санкт-Петербург хотын бөх Арина Бабкина дэвжээнд гарч ирээгүй учир ялалт авчээ.

Алтан медалийн төлөөх барилдааны оноолт

48 кг Анжелика Ветошкина /Санкт-Петербург хот/

Алина Морева /Брянск муж/

53 кг Екатерина Полещук /Краснодарын хязгаар/

Наталья Малышева /Хакасс улс, европийн залуучуудын аварга/

55 кг Алтанцэцэгийн Батцэцэг /“Дархан-Хасу-Мегастарс” клуб,

залуучуудын дэлхийн аварга/

Ирина Курочкина /Беларусь/

58 кг Сүхээгийн Цэрэнчимэд /“Алдар” спорт хороо, насанд хүрэгчдийн

болон залуучуудын дэлхийн аварга/

Юлия Алборова /Москва хот/

60 кг Вероника Иванова /Беларусь, Европийн спортын

наадмын хүрэл медальт/

Наталья Гольц /Чуваш улс, ДАШТ-ний хошой хүрэл, мөнгөн

медальт, европийн 5 удаагийн аварга/

63 кг Инна Тражукова /Ульяновск муж/

Анжела Фоменко /Москва хот/

69 кг Очирбатын Насанбурмаа /“Алтай констракш” компани,

ДАШТ-ний 3 хүрэл медальт, азийн аварга/

Далма Конева /Итали/

75 кг Бадрахын Одончимэг /“Алдар” спорт хороо, ДАШТ-ний

хүрэл медальт/

Эпп Мае /Эстони, ДАШТ-ний хүрэл медальт/

Н.Цэнгэл