Б.Сайтиевийн тэмцээн өндөрлөлөө

ОХУ-ын Гавьяат тамирчин, олимпийн 3 удаагийн аварга, дэлхийн болон европийн 6 удаагийн аварга, МҮОХ-ны “Чингис трофей” шагналт, оросын алдарт бөх Б.Сайтиевийн нэрэмжит чөлөөт бөхийн өсвөр үеийн олон улсын ХII дахь удаагийн тэмцээн Красноярск хотын хөлбөмбөгийн “Футбол-Арена Енисей” хоёр өдөр үргэлжилж өндөрлөлөө.

ДБНХ-ноос техникийн төлөөлөгчөөр олимпийн зэрэглэлийн шүүгч, туркийн иргэн Левент Сен, олимпийн зэрэглэлийн шүүгч, беларуссын иргэн Игорь Брель нарыг томилон ирүүлсэн байна. Ерөнхий шүүгчээр оросын шүүгч В.К.Райков ажиллав.

Тэмцээнд оролцогч бүртдурсгалын тэмдэг, цамц бүхий дурсгалын бэлэг олгожээ.

Тэмцээнд Казахстан, Киргиз, Монгол, Тажик, Узбек зэрэг гадаадын 5 орон, ОХУ-ын бүрэлдхүүний Буриад, Дагестан, Ингушет, Тува, Чечень, Якутын бүгд найрамдах улс, Ставрополийн, Краснодарын, Красноярскийн хязгаар, Санкт-Петербург, Ижевск, Эрхүү, Владивосток, Хабаровск, Новосибирск зэрэг хотуудын 200 орчим бөхчүүд өрсөлдсөн байна.

Тэмцээний эхний өдөр 42, 50, 58, 69, 85, 120 кг-ын жингүүдийн барилдаан болж манай 4 бөх дэвжээнд гарснаас 85 кг-ын жинд “Дархан-Хасу-Мегастарс” клубын бөх Баярсайханы Билгүүн нэгдүгээр тойрогт Красноярскийн хязгаарын бөх Кирилл Шкредовыг 6:3, мөнгөн медалийн төлөө барилдаанд Эрхүү мужийн бөх Юрий Ивановыг 8:3 онооны харьцаагаар ялж, алтан медалийн төлөө барилдаанд Красноярск хязгаарын бөх Николай Тельпизэд 4:6 онооны харьцаагаар дийлджээ. Ийнхүү мөнгөн медаль хүртэв.

Хоёр дахь өдөр 46, 54, 63, 76, 100 кг-ын жингүүдийн барилдаан болжээ.

69 кг 1.М.Сайдулаев (Чечень улс)

2.Адам Юсупов (Санкт-Петрбург хот)

3.Муслим Ибрагимов (Красноярскийн хязгаар)

3. Д.Чельдиев (Красноярскийн хязгаар)

16. Төмөрхуягийн Тэргэл (“Дархан-Хасу-Мегастарс” клуб)

76 кг 1.Ахмад Ташухажиев (Санкт-Птербург хот)

2.Дмитрий Никитин (Красноярскийн хязгаар)

3.Д.Турсынбай (Казахстан)

3. М.Герейханов (Дагестан улс)

8. Дагвадоржийн Оргилох (“Дархан-Хасу-Мегастарс” клуб)

Н.Цэнгэл