А.Энхтуул ОУ-ын тэмцээнд 5-р байр эзэлжээ

"Isle of Man" ОУ-ын өндөр чансаатай шатарчдын бүрэлдэхүүнтэй нээлттэй тэмцээн Англи улсад болж өндөрлөжээ. Тус тэмцээнд Дэлхийн шатрын их мастер А.Энхтуул нийт 9 өргөөс 5 оноо авч өөрийн ОУ-ын чансаагаа +30 оноогоор ахиулжээ. Тэрээр эмэгтэйчүүдийн 5-р байрын шагналыг шатрын Дэлхийн аварга, Хятад улсын шатарчин, супер Их мастер Хоу И Фань тэргүүтэй шилдэг шатарчдын хамт эзэлсэн байна.

Тэмцээнд нийт 39 орны эрэгтэй, эмэгтэй 132 шилдэг шатарчид оролцсон аж. Уг тэмцээний аваргаар супер Их мастер Павел Ельянов тодорч, удаах байруудад дэлхийн чансаанд 2,3,4-т бичигдэж байгаа супер их мастерууд шалгарсан байна.

Н.Цэнгэл