Б.Ууганхүү 3 сая төгрөгний кимоно бэлэглэлээ

ПАРАЛИМПИЙН ХҮРЭЛ МЕДАЛЬТ, ОУХМ Б.УУГАНХҮҮ АМЖИЛТЫН ХИШГЭЭСЭЭ НУТГИЙН ӨСВӨРИЙН ЖҮДОЧИДДОО 3 САЯ ТӨГРӨГНИЙ КИМОНО БЭЛЭГЛЭЛЭЭ

Олимпийн анхны медальтнаа өлгийдөн авсан Дорноговь аймагт жүдо бөхийн дугуйлан хичээллээд хагас жил болж байгаа юм байна. Энэхүү дугуйланд Тив, Дэлхий, олимпийн дэвжээнд амжилт ялалтаа цуурайтуулсан Х.Цагаанбаатар, Д.Төмөрхүлэг, Б.Ууганхүү тэргүүтэй Монголын шилдэг жүдочид өсвөрийн тамирчиддаа өөрсдийн арга, техник, ур чадвараасаа зааж, сургалаа. Энэ үеэр МУ-ын Пара жүдо бөхийн холбооны шигшээ багийн тамирчин, Паралимпийн хүрэл медальт Б.Ууганхүү өсвөрийн жүдочиддоо ирээдүйд олимп, Дэлхийн аварга болохыг ерөөж амжилтын хишгээсээ Adidas брэндийн 3 сая төгрөний үнэ бүхий 20 ширхэг кимоног нутгийн дүү нартаа бэлэглэлээ.

Ч.Амар